Adda idiay Cebu ni Bise Presidente Sara Duterte tapno sarungkaran dagiti ili nga apektado ti magnitude 6.9 a gingined.
Panggep ti Bise a matulungan dagiti apektado a pamilya ken maalalayan dagiti banuar a kangrunaan a nagresponde iti tiempo ti didigra.
Nangipaay ti libre a taraon iti Office of the Vice President Disaster Operations Center idiay San Remigio, Cebu Province partikular kadagiti volunteers, rescuers, ken frontliners nga awan sarday nga agserserbi babaen ti Kalusugan Food Truck (KFT)
Agtalinaed met isuna idiay Cebu agingana ita nga aldaw, Oktubre 2 ken bisitaen dagiti dadduma pay nga apektado ti gingined.
Maipalagip a saan a dimmar-ay iti Bise Presidente iti plenary debates iti House of Representatives idi kalman Oktubre 1 para iti singasing a budget ti OVP nga aggatad ti P900 million para inton 2026.
