Nangilatag kadagiti kondisyon ni Bise Presidente Sara Duterte sakbay a sumango isuna ti budget debate sadiay plenaryo ti Kamara.
Impakita ni OVP budget sponsor Representative Jose Pepito Alvarez ti surat nga impatulod ni VP Sara sadiay House Committee on Appropriations.
Dinakamat ni Alvarez a nangilatag kadagiti kondisyon ni VP Sara ken maysa ditoyen ket ti panagsango ni Presidente Ferdinand Marcos Junior para ti P27.3-B budget deliberation ti Office of the President.
Maysa pay ket para ti Committee on Good Government and Public Accountability a makaala ti dokumento manipud Department of Justice a mangpaspasingked a nawaswasen ti Immigration Lookout Bulletin Order kontra kada Atty Zuleika Lopez, Mr. Lemuel Ortonio, Atty. Rosalynne Sanchez, Atty. Sunshine Charry Fajarda, Ms Gina Acosta, Ms. Julieta Villadelrey, ken Mr. Edward Fajarda – a puro opisyales ti opisina na.
Iti sabali a bangir, imbatad met ni Alvarez a saan a sungbatan ti House Committee on Appropriations ti surat ni VP Sara a napetsaan ti Setyembre 30, nangruna ta maudi nga aldawen ti plenary deliberations para ti 2026 national budget ngem raraemen da latta daitoy.
