Pormalen a naiproklama kas miembro ti House of Representatives iti maika-20th Congress da Murang Kuryente party-list Representative Arthur Yap, Ang Probinsiyano Representative Alfred Delos Santos, ken Abono Party-list Representative Robert Raymond Estrella kalpasan a nagsapatada iti sango ni Faustino “Bojie” Dy III.
Kasaruno daytoy iti panakadiskualipikar ti Duterte Youth Party-List gapo iti panagulbod ti statement da iti petisyon ken awanan ti bonafide intention nga agrepresenta ti nasao a sektor.
Maipalagip a nakagun-od ti Duterte Youth dagiti tallo a tugaw iti 2025 midterm elections kalpasan a maikaduada nga addaan ti pakabuklan a botos a 2.338 million.
