Sinangaili ti Department of Health (DOH) ti panangipeksa ti interes ni Baguio City Mayor Benjamin Magalong nga imbestigaran ti biddut a pannakausar ti Medical Assistance for Indigents and Financially Incapacitated Patients (MAIFIP) wenno maaw-awagan pay kas “MAIP,” kasauno metten dagiti reklamo seknan ti pannakaiwaras ti pondo.
Kinuna ni DOH Secretary Ted Herbosa a ti Maintenance and Other Operating Expenses (MOOE) dagiti DOH hospitals ken payments manipud iti PhilHealth ti kasyaatan a wagas tapno bayadan dagiti gastosen ti ospital.
Pormal a kiniddaw ni Herbosa ti baro a line item a nakasina iti MAIP tapno mapalubosan dagiti direct payments manipud DOH agturong kadagiti local government hospitals a saanen a dumalan pay kadagiti politiko.
Daitoy a waragawag ket kasaruno ti kinuna ni Mayor Magalong a nakaawat ti Mayors for Good Governance kadagiti adu a reklamo seknan ti pannakaiwaras ti MAIP funds.
Innayon ni Magalong a saan nga agsarsardeng iti Department of Public Works and Highways ti imbestigasyon ti korapsyon. Adda pay kunana iti DOH a ti pagaropen dagiti maseknan ket awan iti front sight ti Mayors for Good Governance.
Imbatad na pay nga isaruno ken umadanin nga imbestigaran da ni Secretary Ted Herbosa.
Mainaig kadaitoy ket nakatuding met ti imbestigasyon ti grupo da kontra DOH kasaruno dagiti alegasyon iti saan nga umiso a pannakausar ti pondo. Adu kadagitoy a reports ket mainaig iti panangusar dagiti politiko iti pondo ti pagilian para ti bukod da nga interes idi naglabas nga eleksyon.
