Dumanon ti pakabuklan a 212,022 nga indibidual wenno katukad ti 66,993 a pamilia iti nailista nga apektado iti panagdupral ti bagyong Paolo, maibasar iti opisial a report ti Department of Social Welfare and Development (DSWD) Disaster Response management.
Segun ti DSWD, pakabuklan a 659 barangay iti naapektaran manipud iti Ilocos Region, Cordillera Administrative Region, Cagayan Valley, ken Central Luzon.
Iti agdama, nakalukat dagiti 500 nga evacuation centers kadagiti nadumaduma a paset ti Northern Luzon kasaruno ti panagduprak ti nasao a bagyo.
Agtaltalinaed iti uneg dagiti evacuation center iti pakabuklan a 19,777 nga indibidual wenno katukad ti 6,793 a pamilia.
Pinili met dagiti nasurok 8,700 nga indibidual iti temporario a makigian kadagiti am-ammo ken kabagian.
Segun ti DSWD, addaan ti 11 a babbalay iti inisyal a naamuan nga apektado bayat nga agtultuloy a maberberipika dagiti dadduma.###
