Impaganetget ni Atty. Harry Roque nga addaan ti basaran tapno ikonsidera ti International Criminal Court (ICC) iti kiddaw ti kampo ni sigud a Presidente Rodrigo Duterte a saan daytoy nga isango iti panagusig.
Para iti dasig ti sigud a presidente, saanen a kabaelan ti kapasidad daytoy a tumakder iti maysa a trial process gapo iti salun-at na.
Innayon na pay, adda dagiti sumagmamano a personalidad kadagiti napalabas a gundaway iti nangibaga ti “unable to stand trial”, banag a pinagbigyan ti korte.
Naamuan adda dagiti sumagmamano a maikonkonsidera a rason iti kapada nga argumento, pakairamanan ti psychiatric evaluation, physical incapacity, temporary, wenno permanent incapacity.###
