SENATE FLOOD CONTROL INQUIRY / SEPTEMBER 23, 2025 Senator Panfilo Lacson during the Senate Public Hearing on alleged anomalous flood control projects and other infrastructure held at the Senate of the Philippines, Pasay City, September 23, 2025. INQUIRER PHOTO / NINO JESUS ORBETA

Impaganetget ni Senate President Pro Tempore Ping Lacson nga iti panangkansela wenno panang-reprice ti P1.6 trillion project ti Department of Public Works ken Highways ket makatulong saan laeng nga iti panangpondo kadagiti programa ti salun-at ken edukasion, no di ket karaman pay iti panangkissay iti utang ti pagilian.

Segun kenni Lacson, suportado na iti singasing ni Representative Leandro Leviste nga ipatungpal daytoy nga addang.

Segun kenni Leviste, mapalubusan dagiti kontrata ti DPWH iti panagkanselar ti proyekto iti sidong ti “termination for convenience” no saan a praktikal iti proyekto, wenno “termination for unlawful acts” no adda ti mapaneknekan a panagkunniber.

Pinaregtana ni DPWH Secretary Vince Dizon a kanselaenna iti P1 trillion project para iti 2025 ken P600 billion a proyekto para inton 2026, a napattapatta nga agresulta ti P400 billion a panakatipid.

Ipamaysana iti 2026 budget proposal ti DPWH ken nagpanawagan kadagiti manmanday-linteg a mangipakita ti self-restraint iti panangisingasingna ti realignment, kangrunaan kadagiti locally funded infrastructure projects.###