Pormalen nga insubmitir ti Judicial and Bar Council iti opisyal a listaan wenno shortlist dagiti nominado iti posisyon ti Ombudsman kenni Presidente Ferdinand ‘Bongbong’ Marcos Jr.
Iti naisayangkat a deliberasion ti konseho no sino iti maiparbeng para iti nasao a posision, pito dagiti nairaman iti listaan.
Nadlawan iti shortlist ti Judicial and Bar Council iti panakairaman ni Department of Justice Secretary Jesus Crispin ‘Boying’ Remulla.
Karaman met iti listaan da sigud a Commission on Audit Chairman Michael Aguinaldo, retired Court of Appeals Associate Justice Stephen Cruz, Supreme Court Associate Justice Samuel Gaerlan, Office of the President Deputy Executive Secretary Anna Liza Logan, retired Supreme Court Associate Justice Mario Lopez, ken Sandiganbayan Associate Justice Michael Frederick Musngi.
Maipalagip a naipasidong dagiti 17 nga aplikante iti naangay a public interview ti Judicial and Bar Council iti Korte Suprema manipud Agosto 28 agingana iti kanikadua ti Setyembre.###
