Naituloy idi kalman iti indirect talks nga addaan panggep a maaddaan ti pinal a katulagan iti peace plan ni US President Donald Trump tapno gibusanen iti giyera iti nagbaetan ti Israel ken Hamas idiay Gaza – mga addan iti maikadua a tawen sipud iti nangrugi daytoy idi Oktubre 7, 2023.
Naisayangkat iti nasao a panagsarita iti nagbaetan dagiti opisyal ti Palestine ken Egypt iti Egyptian City a Sharm El-Sheik.
Segun kadagiti opisya, nakapamaysa kadagiti maisayangkat a sesyon iti panangbukel ti kondisyon pakairamanan iti posible a sinukat a manamnama nga magited-dalan iti panangruk-at dagiti kautibo nga Israel kasukat ti panakawayawaya dagiti balud a Palestinian.
Iti maikadua nga aldaw ti panagsarita, maaddaan met ti shuttle meetings iti nagbaetan ti Egypt ken Qatari officials kadua dagiti nagsina a delegasyon manipud Israel ken Hamas kadagidan iti maikadua nga anibersario ti panagraut ti Hamas idiay Israel a nakatayan dagiti 1,200 nga indibidual ken dinukot dagiti 251 a tattao.
Iti maysa nga statement kagiddan ti anibersario, sumagmamano a world leader met iti nangibinglay ti sentimiento ken panawagan a gibusanen iti giyera.
Segun kenni United Nations Secretary General Antonio Gutteres, iti plano ni Trump ket mangipakpakita ti maysa a gundaway tapno magibusan iti trahedya.
Impaganetget met ni UK Prime Minister Keir Starmer iti suporta para iti plano nga agturong iti kinakappia idiay Middle East ken aramiden ti gobierno iti amin a kabaelan babaen ti bileg da tapno agbiag a nakappia tunggal aldaw iti tunggal ubiong idiay Israel kasta metten idiay Palestine.###
