LA UNION – Balligi a naarestar iti number one most wanted person ti La Union babaen ti naisayangkat a manhunt operation nga indauluan ti Bacnotan Police Station idiay Barangay Poblacion, Bacnotan idi Oktubre 7, 2025 iti oras nga alas-6:47 ti rabii.
Nabigbig iti suspek nga agtawen ti 43, maysa a tricycle driver, ken residente ti Barangay Rimos 2, Luna, La Union.
Nakemmeg isuna babaen iti bileg ti warrant of arrest gapo iti panaglabsing ti Section 5(b), Article III ti Republic Act No.7610, wenno am-ammo kas “Special Protection of Children Against Abuse, Exploitation and Discrimation Act,” ken narekomendaran ti bail bond a ₱200,000.
Iti naballigi nga operasion ket mangipakpakita ti saan a marakrak a panagkomit ti Bacnotan Police Station ken La Union Police Provincial Office tapno masigurado a maiserbi iti hustisia ken mapagsungbat dagiti wanted individuals kadagiti inaramid da a krimen.###
