Sinuspendir ni Department of Public Works and Highways (DPWH) Secretary Vince Dizon dagiti amin a road reblocking operations iti intero a pagilian kalpasan a matakuatan iti maipagarop a maanomalya a proyekto idiay Bulacan ken Cagayan.
Segun kenni Dizon, exempted laeng iti indefinite suspension dagiti maintenance works a kasapulan nga urnusen gapo ta addaan ti dadael iti kalsada.
Posible a pagkuar-kuartaan dagiti sumagmamano a korap nga opisyal dagiti reblocking projects isu nga rumbeng laeng a maimbestigaran ken pagsungbaten dagiti karaman.
Paset daytoy iti serye dagiti reporma nga ilunglungalong ti sekretaryo tapno malabanan iti panagkunniber kas iti nainget a dusa ken safeguards kadagiti flood control ken slope protection projects, karamanen iti Citizen Participatory Audit para iti silulukat ken transparent a panangmanehar kadagiti proyekto ti ahensia.###
