Dumanon ti aganay 10,914 iti pakabuklan bilang dagiti aftershocks manipud iti 6.9 Offshore Cebu earthquake.
Segun ti Phivolcs, manipud iti nasao a bilang, dumanon ti 1,886 iti plotted wenno nadetect ti dua wenno nasursurok pay a monitoring device.
Agarop 45 met nga aftershocks iti narikna dagiti residente.
Iti kapigsa daytoy ket manipud magnitude 1 agingana 5.1 kas maibasar iti monitoring ti Phivolcs station idiay Medellin, Cebu.
Kabayatanna, 831 nga aftershocks met iti nairecord manipud iti magnitude 7.4 a gingined ken 6.8 Offshore Davao Oriental earthquake events.
Dumanon ti 349 iti plotted ken 13 met ti nariknan dagiti umili.
Iti kinapigsa dagiti panagdayyeg ket manipud 1.2 agingana 5.8 magnitude, maibasar iti nailista ti Mati Phivolcs Station.###
