BR LA UNION – Umaboten ti walo nga indibidwal ti natay idiay Manay ken Davao Oriental gaputi timmama a dua a nagsaruno a gingined iti rehiyon.
Segun iti National Disaster Risk Reduction and Management Council (NDRRMC), amin a nailista a natay gaputi gingined ket agtultuloy a maipas-pasidong iti beripikasyon ken validation.
Manipud iti nasao a bilang, tallo iti kumpirmado a natay kalpasan a matrap dagitoy iti nag-reggaay a daga ken natupakan ti dadakkel a bato iti uneg ti maysa a mining site idiay Pantukan, Davao de Oro.
Kabayatanna, dagus a narekober iti bangkay dagiti tallo a minero iti retrieval operations dagiti otoridad bayat a na-rescue ti dadduma a kakadwa da iti tallo a narsuod a mining site.
