Pinasingkedan ti Taliban ti Afghanistan nga rinaut da dagiti tropa ti Pakistani kadagiti sumagmamano a kabanbantayan a paset ti nagbeddengan dagiti dua a pagilian.
Segun ti Taliban, paset daytoy iti retaliatory operations kalpasan a maipangarop a pinabettak ti Pakistan iti maysa a merkado iti uneg ti teritoryo ti Afghanistan idi Huwebes, Oktubre 2.
Inawagan met ti Pakistan dagiti panagraut kas unprovoked wenno awanan ti rason, ken impaganetget nga dagiti sibilyan iti pinuntirya ti grupo.
Kenunana ni Interior Minister Mohsin Naqvi, sumungbat iti puersa da ti ”stone for every brick” kas ballaag iti Taliban.
Maibasar pay iti report, agpada a nagusar dagiti dua a dasig ti babassit nga armas ken artillery idiay Kunar-Kurram region a nakaapektar kadagiti sumagmamano a lugar pakairaman iti Angoor Adda, Bajaur, Kurram, Dir, Chitral ken Baramcha.
Innayon pay ti Taliban, nilabsing ti Pakistan iti soberanyada babaen ti panagbomba iti Paktika province ken ado dagiti tiendaan ti nadadael.
Inlibak met ti Islamabad iti pammabasol ken kenuna nga ar-aramaten dagiti militante a Pakistan Taliban wenno TTP iti Afghanistan kas base ti operasion kontra kadakuada.
Kabayatanna, nagpanawagan met iti Saudi Arabia ken Qatar ti self-restraint ken dayalogo tapno maliklikan dagiti nakarkaro a susik.###
