Nangipaay ti pakabuklan a P10 million iti beauty queen ken negosyante a ni Celeste Cortesi para kadagiti biktima dagiti naglabas a gingined idiay Cebu ken Davao Oriental.
Segun iti report, immuna a nangited ti P5 million ni Celeste kadua iti partner na a ni Jonathan Sterling kadagiti biktima ti magnitude 6.9 a gingined idiay Cebu idi Setyembre 30 babaen ti Asul Hope Foundation, kadua iti Angat Buhay Foundation.
Kasaruno daytoy ket nangipaay metlaeng ti P5 million a donasion para kadagiti naduprak ti nagsaruno a gingined idiay Davao Oriental idi Oktubre 10 babaen ti panakitinnulong ti Philippine Red Cross (PRC).
Nagyaman met iti PRC kada Celeste ken Sterling gapo iti nagbalin a kontribusion da iti rescue ken relief operations idiay Davao.###
