Nakaituding a sumango inton bigat, Oktubre 14 iti panagdingeg ti Independent Commission for Infrastructure (ICI) ni sigud nga House Speaker ken agdama a Leyte Representative Martin Romualdez, kasaruno ti imbistasion nga impatulod kenkuana ti komision idi napalabas a lawas.
Segun kenni ICI Spokesperson Atty. Brian Hosaka, inawat ni Romualdez iti imbistasion ken nangipeksa ti kinasagana a dumar-ay tapno makimaysa iti imbestigasion ti komision.
Karaman kadagiti matalantan a damag kabayatan ti panagdingeg ket iti proseso ti panangbukel ti national budget idi isuna pay laeng iti Speaker ti Kamara ken dagiti detalye ti budget allocations para kadagiti flood control projects a naisayangkat babaen ti panangidaulo na.
