Kiddawen ti Independent Commission for Infrastructure (ICI) iti Regional Trial Court nga ipa-cite in contempt ni sigud a Representative Zaldy Co no mapaay manen daytoy a sumango iti panagdingeg ti komisyon inton bigat, Oktubre 14.
Segun kenni ICI Spokesperson Atty. Brian Hosaka, mabalin nga agresulta daytoy iti panangiruar ti warrant of arrest kontra iti sigud a kongresista no kaspangarigan mangiruar iti korte ti contempt order.
Maibasar iti report, saan pay a simmungbat ni Co iti subpeona nga impatulod ti ICI mainaig iti imbestigasion iti maipagarop a maanomalya nga flood control projects.###
