BR LA UNION – Naitandudo kas Mrs. Universe Official 2025 ni sigud a Sexbomb dancer Sugar Mercado iti naisayangkat a pageant idiay Laguna.
Malaksid kenni Sugar, nangabak met iti pambato ti Bulgaria ken Northern Australia kas Mrs. Universe Official 2025 ken Elite Mrs. Universe Official 2025.
Malaksid iti international title a nagun-od ni Sugar, napangabakanna pay iti Best in Talent, Best in National Costumes ken Best in Long Gown.
Iti social media account na, nagpost daytoy ti ladawan a kaabayna dagiti sash ken awards.
Kinuna na a saanna nga ipagarop nga agbalin a beauty queen, agsipudta iti nakasanayanna ket agsala ken agpak-pakatawa iti stage a kas iti ar-aramiden dagiti stand up comedian ditoy pagilian.
