Impaganetget ni Senate President Vicente “Tito” Sotto III nga adda ti posibilidad nga agsubli ni Senate President Pro Tempore Panfilo “Ping” Lacson kas chairman ti Senate Blue Ribbon Committee.
Imbagana na nga padpadasan ti minorya a kumbinsiren ni Lacson a mangidaulo manen ti komite.
Sigun kenni Sotto, nakatuding nga agtataripnong dagiti miembro ti Blue Ribbon Committee sakbay a malpas iti bulan ti Oktubre tapno pagsasaritaan iti kiddaw nga house arrest dagiti sigud nga Engineers ti Department of Public Works and Highways (DPWH) Bulacan 1st District nga isuda Henry Alcantara, Brice Hernandez, ken Jaypee Mendoza.
Maipalagip nga nagikkat ni Lacson kas chairman ti Senate Blue Ribbon Committee idi Oktubre 6 kabayatan ti imbestigasyon ti anomaliya dagiti flood control projects.
Inlanad ni Lacson iti resignation letter na no kasano a sumagmamano kadagiti kakaduada ket nangipeksa ti panakadismaya iti “direksion” dagiti hearings ti komite, ngem inkarina nga agtultuloy iti pananglaban kontra korapsion.
Iti agdama, agserserbi ni Senador Erwin Tulfo kas acting chairman ti komite.###
