Makumikom dagiti flower vendors a nasapa a mangisagsagana dagiti lako da kasta metten dagiti kasapulan a materiales para iti arrangements wenno bouquets a mailako inton Undas.
Daytoy ket tapno masigurado nga umdas iti suplay.
Kaaduan a pagtataudan dagiti sabong a mailaklako ditoy probinsia ket manipud iti syudad ti Baguio ken idiay Manila.
Ti interview ti Bombo Radyo La Union kadagiti vendors, imbatad da a ngumatngato iti presio dagiti sumagmamano a klase ti sabong gapo kadagiti panakadadael nga ingubuay dagiti naglabas a bagyo.
Mangrugi iti presio ti maysa a bouquet ti ₱250 agpangato, ₱40 agingga ₱50 ti maysa pidaso ti rosas, bayat nga dagiti sabong a maar-aramat kadagiti sementerio ket kababaan ti ₱100.
Imbalakad dagiti aglaklako a nasaysayaat no agpareserban wenno agorder a nasapsapa tapno maliklikan iti panagdupodop dagiti tao iti mismo a kaaldawan ti Undas.
Impasigurado da met iti naannayas transaksion ken presko a sabong para customers.###
