Natiliw dagiti uppat a lallaki karaman dagiti dua a menor de edad iti naisayangkat nga Anti-Illegal Drug Buy-bust Operation idiay Barangay Poblacion, Aringay, La Union idi Oktubre 21, agarop alas-4:50 agingana 5:30 ti malem.
Nabigbig dagiti suspek nga agtawen ti 21-anyos, baro, maysa a laborer ken residente ti Barangay Sta. Rita West, Aringay; 18-anyos, maysa a construction worker, ken residente ti Barangay Sta. Ana, Agoo; ken dua a menor de edad a residente iti isu met laeng nga ili.
Nakemmeg dagitoy babaen ti pulis a nagserbi kas poseur buyer.
Naala manipud ti ikotda dagiti drug evidences a maysa a transparent plastic sachet a mapapati nga shabu nga iso ti nailako ti poseur-buyer; self sealing transparent plastic sachet a naglaon ti mapapati a dried marijuana leaves; ken lima nga transparent plastic sachet a mapapati nga shabu a naala manipod bulsa ti maysa a suspek.
Karaman pay dagiti non-drug evidences ket iti maysa paketa a sigarilyo, maysa nga open transparent plastic sachet, dua a cellular phone, ken maysa a motor.
Kalpasan ti operasyon, naisayangkat iti markings ken inventory dagiti drug ken non-drug evidences iti imatang dagiti barangay officials, media, ken representative manipud ti Department of Justice.
Naiturong dagiti suspek idiay La Union Medical Center para iti medical ken drugs examination kalpasan a naiturn-over met laeng dagitoy iti Aringay Police Station para iti dokumentasyon ken disposisyon.
Mapilaan dagiti dua a nataengan nga suspek iti panaglabsing ti Republic Act 9165 wenno Comprehensive Dangerous Drugs Act of 2002.###
