Napagtalinaed ti Tropical Depression Salome iti kapigsana bayat a dupdupagen iti pa-abagatan a direksion ken agturong iti Extreme Northern Luzon.
Naudi a nasaripatpatan iti sentro ti bagyo iti kaadayo a 160 km Amianan-a-daya ti Itbayat, Batanes.
Kabuyog na iti maximum sustained winds a 55 km/h asideg ti tengnga ken gustiness ti aginggana 70 km/h.
Dupdupagen na iti pa-Abagatan a direksion iti kapaspas a 25 km/h.
Dagitoy dagiti lugar a nakapaisidong ti Tropical Wind Signal No. 1:
-Batanes
-Western portion of Babuyan Islands (Calayan Is., Dalupiri Is.)
-Northwestern portion of Ilocos Norte (Bangui, Pagudpud, Burgos, Pasuquin, Bacarra, Laoag City)
Maibasar iti forecast track, tumbuken na iti Abagatan-a-Laud a direksion gapo iti High Pressure Area nga adda idiay Mainland China.
Manamnama a dumalan wenno aglandfall iti bagyo idiay Batanes inton rabii wenno inton bigat, Oktubre 23.
Posible met a lumabas asideg wenno iti mismo a Babuyan Islands inton bigat, ken idiay Ilocos Norte inton bigat ti malem.
Mabalin a rumuar iti TS Salome iti Philippine Area of Responsibility (PAR) inton aldaw ti Biyernes, Oktubre 24 ti malem wenno iti rabii.
Agtalinaed daytoy kas tropical depression sakbay a kumapsot, ngem posible latta iti apagapaman a panagpigsa na ken agbalin a tropical storm.###
