Kagiddan ti panagsagana ti Undas 2025, agtultuloy ti panangisayangkat ti lokal a gobierno ti Bacnotan, La Union ti tinawen a programa a mangdalus kadagiti tanem ti sementeryo.
Segun ti Administrative Aide 1 ken Gravedigger ti Kampo Santo a ni Roman Paras, nairugi iti programa idi Setyembre 15 nga agpaut agingga Oktubre 30, sakbay pay iti bisperas ti Undas.
Panggep ti nasao nga aktibidad nga awan ti siasinoman a manglukat kadagiti tanem kasta met a reklamo a mangal-ala kadagiti atang. Nu saan masango dagiti pamilya ti pimmusay a mangdalus ti tanem ket mabalin da nga agbayad ti sepulturero ti gatad a P476 nga inaldaw.
Iti sabali a bangir, adda met ti naitukon a lugar para kadagiti mayat nga aglako ti sabong idiay ruar ti sementeryo.
Agtultuloy ti adbokasiya ti Bacnotan LGU a mapagtalinaed ti kinadalus dagiti tanem ken pinaregta da dagiti umay bumisita nga agitugot ti garbage bag a mabalin da nga ibati nga alaen ton dagiti sepulturero.
