Dimmayeg iti Magnitude 4.7 a ginggined idiay Pangasinan, itay alas-1:23 ti malem, Nobiembre 7, 2025.
Maibasar ti Earthquake Information No. 1 ti PHIVOLCS, nasarakan iti epicenter ti ginggined idiay Dasol, Pangasinan. Addaan daytoy ti kauneg a 10km ken tectonic iti nagtaudan na.
Dagitoy met dagiti naireport nga instrumental intensities:
Intensity IV – Bani, PANGASINAN
Intensity II – CITY OF DAGUPAN; Lingayen, PANGASINAN
Intensity I – Bolinao, PANGASINAN; Iba, ZAMBALES
Kabayatanna, awan ti manamnama a perdision ken aftershocks ti nadakamat a ginggined.
