Dinayaw ti United Nation iti kinasagana ti Pilipinas sakbay iti panagduprak ti Super Typhoon Uwan.
Segun kenni UN Resident and Humanitarian Coordinator Arnaud Peral, iti episiente a panagsagana, pre-emptive evacuations, ken dadduma pay a natiempuan a panagresponde ket nakaisalbar ti ado a biag.
Dinakamat met ti opisial iti isaysayangkat ti gobierno ti Pilipinas a response ken recovery efforts kasaruno ti maysa kadagiti maibilbilang a kadakkelan a pre-emptive evacuation a nailista ti pakasaritaan ti pagilian.
Maipalagip a dumanon ti 1.3 million nga indibidual iti naiyakar manipud ti 13 agingga 18 a rehiyon sakbay a naglandfall iti Super typhoon.
Kabayatanna, nagballaag iti UN nga ad-ado pay a napipigsa a bagyo kas ti Uwan iti mabalin a mapadasan kasaruno ti panagpudot dagiti kabaybayan a nakapalikmot iti Pilipinas gapo ti krisis iti klima. Isu a napateg ti agtitipon a panagsagana kadagiti epekto ti kalamidad.
