Dinillaw ni Senador Rodante Marcoleta iti arigna “tipid” a panangibutaktak ni sigud a Department of Public Works and Highways (DPWH) Undersecretary Roberto Bernardo kadagiti kongresista a maipagarop a karaman iti kickback schema kas ni sigud a Zaldy Co.
Kwinestion met ni Marcoleta iti panakibiang ti Department of Justice (DOJ) iti proceedings ti komite a manglimlimitar kadagiti resource person nga impeksa iti sibubukel a kinapudno.
Inlawlawag ni Prosecutor General Atty. Richard Anthony Fadullon nga awan ti restriksion nga impaay ti DOJ, ken ti aniaman a limitasion kadagiti testimonya dagiti witness nga adda iti Senate inquiry ket saan nga a dikdiktaran ti ahensia no di ket ti linteg.
Maipalagip a maysa ni Bernardo kadagiti nag-apply nga agbalin kas state witness babaen ti Witness Protection Program ken maikonkonsidera “protected witness” ti DOJ kalpasan a naibutaktak dagiti flood control projects a nairaman kadagiti sumagmamano a public officials. #
