Nangiruar ti kanayunan a waragawag ni sigud a DPWH Undersecretary Roberto Bernardo maipanggep iti maipagarop a koneksion ken transaksion na kenni Department of Education (DepEd) Undersecretary Trygve Olaivar, a nangrugi pay idi 2010 ken nagbayag agingga iti panawen ti budget preparations ti Senado.
Kenuna ni Bernardo iti supplemental affidavit a naam-ammo na ni Undersecretary Olaivar idi staff pay laeng isuna ni sigud a Senador Bong Revilla ken idi agangay ket immalis iti opisina da sigud a Senador Edgardo Angara ken Senador Sonny Angara.
Naaddaan da ti ado nga interaksion gapo iti kanayun a panagsango ni Olaivar iti budget deliberation, kangrunaan idi nagbalin a chairman ti Senate Finance Committee ni Angara.
Kanayun da met nga agsarsarita iti panawen ti panakadetine da Senador Revilla ken Senador Jinggoy Estrada, tapno amwen iti kasasaad dagiti dua a senador.
Innayon pay ni Bernardo a manipud 2019 agingga 2024 ket nakaawat ni Undersecretary Olaivar dagiti “deliveries” a mangibagbagi ti 12% dagiti proyekto a maikonkonektar iti opisina ni Senador Sonny Angara, bayat nga idadauluan na iti Senate Finance Committee.
Iberberipika na pay iti impormasion a mabalin a naaddaan ti kanayun a ₱12 bilyon para kadagiti unprogrammed appropriations ti 2025. #
