Pormal a naipila ti Office of the Ombudsman iti kaunaan a kaso iti Sandiganbayan mainaig iti maanomalya a proyekto ti flood control.
Impadamag ti Ombudsman iti inisyu da a resolusion tapno makaipila ti kaso a kriminal kalpasan ti dua a bulan nga imbestigasion, panagkalap dagiti ebidensya, ken dagiti testimonya.
Segun kenni Assistant Ombudsman Mico F. Clavano, pinalaan da ti criminal case ni sigud nga Ako Bicol Party-list Representative Zaldy Co, sumagmamano nga opisial ti Department of Public Works and Highways ti Region IV-B, ken board of directors ti Sunwest Corporation.
Partikular a nadatag iti Sandiganbayan dagiti kaso a Malversation of Public Funds through Falsification of Public Documents, panaglabsing ti Section 3e ti Republic Act 3019 wenno Anti-Graft and Corrupt Practices Act.
Napilaan met ti nagsigna ken kanayunan a kaso ni Zaldy Co iti panaglabsing ti Section 3(b) ti RA 3019 gapo iti panangawat ti ‘unwarranted financial’ wenno ‘pecuniary benefits’.
Konektado iti kaso iti flood control project a konstraksion ti Road Dike idiay Mag-Asawang Tubig River, Naujan, Oriental Mindoro.
Kasaruno ditoy ket imbinglay pay ni Assistant Ombudsman Mico Clavano iti rekomendasion ti Panel of Ombudsman prosecutors a saan nga ipaayan ti tyansa a makapagpyansa ni sigud nga Ako Bicol Bicol Party-list Representative Zaldy Co. #
