Inaprobaran ti Senado iti singasing a P6.793 trillion national budget para iti 2026, a pinaboran dagiti 17 a senador ken awan ti nag-abstain.
Indauluan ni Senate Finance Committee Chairman Sherwin Gatchalian iti nasao a shelling.
Ti singasing ket linaon ti House Bill No. 4058 wenno General Appropriations Act of 2026 nga addaan panggep a pondoan dagiti kangrunaan a programa ti gobierno.
Agpada nga inaprobaranen ti Kamara ken Senado dagiti bukodda a bersion ti national budget, isu a naikeddeng iti Bicameral Conference Committee manipud Disiembre 11 agingga 13 tapno mapagmaymaysa dagiti probision.
Kalpasan ti bicam, maisubli iti reconciled budget bill iti dua a kongreso para iti ratipikasion. Apaman a maratipikaran, maisubmitir daytoy kenni Presidente Ferdinand Marcos Junior tapno pirmaanna sakbay iti panaggibus ti tawen.
Ti budget ket nairanta para iti imprastruktura, edukasion, salun-at, depensa, ken climate resilience programs.
Agtaltalinaed ti aganay P175 billion iti unprogrammed funds a binabalaw dagiti sumagmamano a senador gapu iti kinakurang ti nalawag a pondo.
Iti pakabuklan, daytoy iti kadakkelan a national budget iti pakasaritaan ti Pilipinas a nairanta a mangsuporta iti panagdur-as ti ekonomia ken serbisio pang-komunidad.#
