Nangipeksa ti suporta iti Armed Forces of the Philippines (AFP) kadagiti waragawag ti Department of National Defense (DND) maipanggep ti 4-day ceasefire declaration ti Communist Party of the Philippines–New People’s Army (CPP-NPA).
Segun kenni AFP spokesperson Colonel Francel Margareth Padilla, nakapamaysa iti sibubukel nga hanay ti militar iti panangipatungpal ti mandato a salakniban dagiti komunidad ken umili iti intero a pagilian.
Agtultuloy iti operasion ti puersa-armada kas iti insuro ti DND, ken nainget iti koordinasionda iti Philippine National Police (PNP).
Impasigurado ni Padilla nga agtalinaed a nasiput iti militar ken agbantay iti seguridad ti publiko tapno mailungalong iti nakappia ken natalged a panagrambak ti paskua para kadagiti amin a Pilipino.#
