Nangisayangkat ti maudi a panagdingeg iti Independent Commission for Infrastructure (ICI) maipanggep iti maipagarup nga anomalia kadagiti flood control projects para iti 2025, idi kalman, Disiembre 15.
Dimmar-ay kas resource persons da AGAP Party list Rep. Nicanor Briones – a nagkiddaw ti executive session, ken ni Budget Acting Secretary Rolando Toledo.
Pinagbigyan ti ICI iti kiddaw ni Briones nga executive session ken immanamong met isuna a maibinglay iti publiko iti sworn statements ken exhibits.
Segun kenni Atty. Winston Ginez, legal counsel ni Briones, narugitan iti nagan ken integridad ti kliyentena gapu kadagiti “baseless ken unfounded accusations.”
Innayon na pay nga adda iti panagamak ni Briones nga iti livestreaming ti hearing ket mabalin a mangigubuay ti kanayunan a pannakadadael ti reputasionna.
Awan met ti kontrol da iti biddud nga interpretasion ti publiko kagiti ibutaktakna a sensitibo nga impormasion.
Kabayatanna, kenuna ni ICI spokesperson Brian Hosaka a planoda met nga awisen iti nagikkat a DPWH undersecretary a ni Maria Catalina Cabral.
Iti agdama, awan pay iti kumpirmasion no dummar-ay iti sigud nga opisial.#
