Imbilin ni US President Donald Trump iti total blockade wenno naan-anay a pananglapped kadagiti amin nga oil tankers a napatawan ti sanction a sumrek wenno rumuar idiay Venezuela.
Kenuna ni Trump iti maysa a post, naibilangen iti gobierno ni Venezuelan leader Nicolas Maduro kas foreign terrorist organization, naakusaran a nagtakaw ti US assets, Terrorism, Drug Smuggling, ken Human Trafficking.
Inaramid ti US President iti waragawag maysa a lawas kalpasan nga kumpiskaren ti Estados Unidos iti oil tanker manipud iti kabaybayan ti Venezuela.
Maipalagip a manon a daras nga inakusaran ni Trump iti Venezuela ti drug smuggling ken sipud idi Setyempre ket dumanonen ti 90 nga indibidual iti napatay ti US military kadagiti inaramid da a panagraut kadagiti bangka a maipagarup a nagkarga ti fentanyl ken dadduma pay nga ilegal a droga idiay Estados Unidos, ngem pinaglibakan daytoy ti Venezuela.#
