Inpaganetget ni Department of Interior and Local Government (DILG) Secretary Jonvic Remulla, a posible a dumanon iti maipagarop a P20 billion iti ill-gotten wealth ni sigud a DPWH undersecretary Maria Catalina Cabral, mainaig dagiti anomalya ti flood control ken dadduma pay a proyekto pang-imprastruktura.
Maibasar daitoy iti nasurok maysa a dekada a pinagserbina kas undersecretary for planning, ken maipagarop a dumaldalan kenkuana iti panag-apruba dagiti proyekto ti National Expenditure Program.
Pimmusay ni Cabral kalpasan a maipagarup a matnag iti maysa a derraas idiay Benguet idi Disyembre 18.
Segun iti inisial nga imbestigasyon ti PNP, maikonkonsiderar iti kaso a suicidal.
Agtultuloy met ti imbestigasion dagiti otoridad, kas iti panagsukimat dagiti gadgets ken dokumento a naisumitir ti DPWH iti Office of the Ombudsman, bayat nga agpanpanawagan met dagiti sumagmamano a mamanday-linteg iti bukod nga imbestigasyon iti Kongreso.
