Dinayyeg ti magnitude 6.6 a gingined iti Taiwan idi rabii kalman, Disiembre 27, segun ti Philippine Institute of Volcanology and Seismology (PHIVOLCS).
Iti advisory nga inruar ti PHIVOLCS, naipadamag nga iti ginggined ket napasamak agarup alas-11:05 ti rabii.
Napagamuan nga iti sentro daytoy ket 24.65°North, 122.04°East, agarup 429 km amianan-amianan-a-laud a paset ti Itbayat, Batanes.
Segun ti United States Geological Survey (USGS), iti epicenter ti ginggined ket adda iti 31 km daya-abagatan-a-daya ti Yilan, Taiwan, ken addaan ti kauneg a 68 km.
Nailista iti Intensity I idiay Basco, Batanes – iti kababaan a lebel ti PHIVOLCS Earthquake Intensity Scale a mangipasimudaag ti bassit a panagdayyeg ken saan a marikna ti kaadduan a residente.
Awan met ti nailista a pangta ti Tsunami kasaruno ti ginggined.#
