Pimmusayen ni Jimmy Regino, maysa kadagiti miembro ti nalatak a grupo nga April Boys, segun iti anunsio ti kabsat ken bandmatena a ni Vingo Regino iti Facebook idi Sabado, Disiembre 27, 2025.
Kenina ni Vingo iti postna, “Sa mga fans ng April Boys, nais ko pong ipaalam na pumanaw na ang aking kapatid na si Jimmy. Hindi na natin maririnig pa ang kanyang tinig.”
Ni April Boy Regino nga inunaan a kabsat ni Jimmy ket pimmusay idi 2020.
Nagbalin a kadua ni Jimmy ken Vingo ni April Boy Regino agingga nagbalin a solo artist kalpasan iti panagsikatna kadua iti grupo.
Nalatak dagiti kantada kas ti “Sana’y Laging Makapiling,” “Maniwala Ka Sana,” ken “Dugong Pilipino.”
Iti agdama, saan pay a naisapubliko iti rason ti pannakatay ni Jimmy.#
