Natay iti maysa nga indibidual ken tallo dagiti nadundunor iti napasamak a mass shooting idiay Chicago.
Segun kadagiti otoridad, napasamak iti insidente alas-2:35 ti bigat.
Sakbay a makasakay iti kotse dagiti biktima idiay River North District ket immasideg iti maysa a lalaki ken kellaat a pinagtugan isuda.
Naglak-am ti ado a tama ti paltog iti 34-anyos a biktima ken naiturong iti pagagasan ngem naideklara metlang a pimmusay.
Agpapaimbagen dagiti nadangran iti nasao a pammaltog.
Kalpasan ti krimen ket dagos a timmakas iti suspek sakbay a makasangpet dagiti pulis.
Am-amuen ti agdama dagiti otoridad iti motibo ti suspek.#
