Dumanon ti 414 iti nairekord a road accidents iti kangitingitan ti holiday exodus manipud Disiembre 21 agingga 29, segun ti Department of Health (DOH).
Iti pakabuklan a bilang, 305 dagiti involved a motorsiklo ken 29 dagiti fresh cases, maibasar iti datos manipud 10 sentinel hospitals.
Uppat met nga indibidual iti natay gapo kadagiti aksidente nga adda pakainaigan-na iti motorsiklo.
Impadamag pay ti ahensia a 343 dagiti saan a nagusar ti helmet wenno seatbelt, bayat a 58 dagiti adda iti impluwensya ti nasanger a mainom wenno ti arak.
Kaadduan kadagiti biktima ket edad 15 agingga 29.
Agtultuloy iti palagip ti DOH iti publiko nga agsuot ti DTI-approved helmet, agusar ti seatbelt, liklikan iti panagmaneho no nabartek, ken sumurot kadagiti patakaran iti kalsada.#
