Kimmapsut iti panaglakuan dagiti lucky charms maiyarig kadagiti napalabas a tawen.
Ti Feng Shui ket maysa kadagiti naka-impluwensia a kultura kadagiti Pilipino a mapapati nga mangipaay ti suerte, salun-at, ken parabor iti sumaruno a tawen.
Segun kenni Jomara Chan, nangrugi iti lucky charm business-da idi 2000 babaen kenni Lourdes Ang a maibilang kas kaunaan a lucky charm vendor dituy Siyudad ti San Fernando.
Maysa kadagiti rason ken iti pangngato ti bilang dagiti kakompetensia, ngem ikonkonsidera da daytoy a suerte gapo ta agtultuloy latta iti negosio ken adda dagiti regular a customers da agturturong iti nasao a pasdek negsosyo nupay maibilang a “seasonal” dagiti produkto nga ilaklakoda.
Kapigsaan ti panaglakoda ket bulan ti Nobiembre agingga iti panagrambak ti Chinese New Year inton Pebrero.
Mamati isuna nga iti natibker a panagkakadua ti pamilya iti kangrunaan a rason no apay ta agtultuloy aginggana ita iti negosio. Adda met dagiti tumultulong kadakadua, kas dagiti suppliers ken agbenbendision kadagiti lucky charms.
Kadawyan a produkto da ket aggapu idiay Hong Kong, Taiwan, ken Binondo, Manila.
Kabayatanna, inlawlawag ni Chan a nakadependir iti maysa a tao iti mailako a lucky charm, maibasar iti petsa ti pannakaiyanak ken anya ti elementona iti dayta a panawen.
Kas maysa a feng shui expert, ipaspasigurado-da nga dagiti maited a lucky charm ket maikari kadagiti gumatang.
Inton sumaruno a tawen 2026 ket Year of the Fire Horse, ken dagiti lucky colors ket ti red wenno fire element a sumimsimbolo iti passion, green wenno wood element a mangsupsuporta iti fire element, ken gold wenno Earth elements a pagkaysaen iti passion a tugot ti red wenno fire element, ken ti kinakalma a tugot iti green wenno wood element.
Adda met dagiti horse lucky charms a naaramid babaen ti metal ken wood.
Al-allukuyen met ni Chan dagiti kayat a gumatang kadakuada nga apan ti personal ti pwesto da tapno mailawlawag a nasayaat ken maikkan da ti kusto a lucky charm.
Aggatad ti P150 dagiti lucky charms da agingga ribo a nakadepende iti klase.
Malaksid dagiti lucky charms, mangilak-lako met dagiti taraon a maus-usar iti panagatang.
Masarakan iti pwesto da Chan idiay Osias Street Denso Merchandise Old Market, Siudad ti San Fernando, La Union.
Kinunana nga iti feng shui ket saan a Relihion, daytoy ket maysa nga harmony of nature wenno ti maaw-awagan a Yin Yang ken ti feng shui ket tumultulong laeng a sumayaat iti aglawlaw.
Saan a dakes iti mamati iti suerte, ngem kurang iti pammati laeng ken kasapulan a nayunan daytoy ti gaget ken kinasayaat tapno naruay ken naragsak iti biag.
