Rinuk-atan ti Thailand dagiti 18 a suldado ti Cambodia idi kalman, Miyerkules, Disiembre 31, kas paset ti baro a ceasefire deal dagiti dua a pagilian.
Tarigagay daytoy nga addang a makissayan iti tension kalpasan dagiti sumagmamano a lawas a rinnupak kadagiti borders.
Nagtulagan ti Thailand ken Cambodia nga isardeng iti gubat idi Sabado kalpasan ti aganay 20 nga aldaw a nakatayan dagiti nasurok 100 a tattao ken nangpabakwit iti nasurok kagudua milyon a sibilyan.
Kadawyan a nausar iti rinnupak ket dagiti fighter jets, rocket fire, ken artillery.
Segun ti Cambodian Defence Ministry, 155 nga aldaw a nakabalud dagiti suldado da idiay Thailand sakbay da a nakasubli iti pagilian.
Kinuna met ti Thailand a nasayaat daytoy nga addang, maibasar iti international humanitarian law.
