Impadamag ti Israel iti panagsuspendir iti nasurok dua a dosena nga humanitarian organizations nga agop-operate idiay Gaza Strip ita a tawen gapu iti maipagarop a saan a panangsurot iti baro a registration rules.
Kenuna ti Israel a tarigagay dagiti baro nga alagaden a malappedan iti Hamas ken dadduma pay a militante a grupo a makastrek kadagiti aid organizations.
Karaman kadagiti masuspende ket iti maysa a kadakkelan ken kalatakan nga international aid group a “Doctors Without Borders” ken “Cooperative for Assistance and Relief Everywhere (CARE)”.
Kinontra daytoy dagiti humanitarian organizations gapu ta saan a nakailintegan dagiti baro a registration rules ken nagpakdaar a makaapektar iti baro a panangiparit kadagiti sumagmamano nga aid groups kadagiti residente ti Gaza nga agkasapulan ti tulong.
Iti sidong iti baro a rules, immunan nga impadamag ti Israel iti umuna a paset ti 2025, a mabilin dagiti aid organizations nga i-rehistro dagiti nagan ti empleyado ken ited dagiti detalye mainaig iti panagpondo ken operasyon tapnu maituloy iti trabaho iti nasao a lugar.
Immunan nga inakusaran ti Israel iti Hamas ti panagala dagiti aid supplies, alegasyon a pinaglibakan met ti United Nations ken aid groups.###
