Impadamag ti Bureau of Corrections (Bucor) idi Huebes, Enero 1, 2026 a bimmaba ti 69% iti linnetlet kadagiti pagbaludan ditoy Pilipinas.
Segun kenni Bucor Director General Gregorio Catapang Jr., manipud ti 356% a congestion, bimmaba daytoy ti 287% gapu iti pannakawayawaya dagiti 10,000 a balud idi 2025.
Dinakamat met ni Catapang iti pannakayakar dagiti dandani 14,000 a balud idiay New Bilibid Prison, nga ad-adda a naurnos ken saan unay a napusek.
Iti umuna a tallo a tawen ti administrasion ni Marcos Jr., dandani 18,000 nga Persons Deprived of Liberty (PDL) iti nawayawayaan kalpasan a nakompletoda ti sentensiada, 5,000 iti nakaawat ti parole, ken 4,000 dagiti napaneknekan nga inosente.
Impadamag pay ni Catapang a kayatda a luktan ti “supermax” a pasilidad idiay Occidental Mindoro nga addaan ti pakabuklan a pondo a P6 billion manipud 2026 agingga 2028.
Mangipasdek met ti corrections academy idiay Tanay, Rizal, tapno maipangato iti lebel ti propesionalismo ken pannakaammo dagiti personnel.#
