Ibilang ti Philippine National Police (PNP) a ‘generally peacefull’ iti panagrambak ti Baro a Tawen 2026.
Daytoy ket iti laksid dagiti kaso ti firecrackers-related injuries, pannakadadael ti sanikua, ken indiscriminate firing.
Segun kenni PNP acting chief Police Lieutenant General Jose Melencio Nartatez Jr., nailista ti 11 a kaso ti indiscriminate firing ken lima nga stray bullet incidents manipud Disiembre 16 agingga Disiembre 31, bayat a lima a kaso ti indiscriminate firing ken dua nga insidente ti stray bullet ita a tawen – a nakaarestaran dagiti 11 a suspek ken tallo a police officers a karaman ti insidente.
Impadamag met ti Department of Health (DOH) a dumanonen ti 235 iti bilang dagiti firecrackers-related injuries iti intero a pagilian.
Nabab-baba daytoy ti 42% maiyarig ti 403 a kaso a nailista iti kapada nga aldaw idi napalabas a tawen.
Manipud iti nasao a bilang, 161 kadagiti biktima ket agtawen ti 19 agpapaba. Kangrunaan a rason ti pannakadangranda ket gapu ti saan a mabigbig a palibang, boga, ken five star.
Agtultuloy met ti panagbantay dagiti otoridad kalpasan ti selebrasion, kangrunaan kadagiti terminals ken sumagmamano a tourist destinations.#
