Mamati ti ekonomista a ni Diwa Guinigundo, sigud a deputy governor ti Bangko Sentral ng Pilipinas, nga agtultuloy a bumuntog iti panagrang-ay ti ekonomiya ita a tawen.
Segun kenni Guinigundo, bimmagsak iti kumpiyansa dagiti local ken foreign investors gapo iti nakaro nga isyu ti korapsion ken panangimando.
Narigat a maisubli daytoy aginggana saan a masungbatan ti gobierno iti problema iti panagkunniber.
Maibasar iti datos ti Asian Development Bank, dimmur-as iti ekonomiya ti pagilian ti 5.6% idi 2024, 6.0% idi 2025, ken 6.1% ita a tawen 2026.
Konserbatibo met iti patta-patta ti International Monetary Fund a 5.5% growth idi napalabas a tawen, ken 5.9% ti agdama.
Nupay agtaltalinaed a maysa kadagiti kapartakan nga agdur-as iti Southeast Asia iti Pilipinas, agtaltalinaed met a karit iti panangisubli ti talek dagiti agpupuonan.
No saan a maresolba iti korapsion, mabalin a saan a matungpal iti optimistic forecast ti internasional nga institusion.###
