Target ti Bureau of Fire Protection a papartaken iti panagrespondeda kadagiti kaso ti uram ita a tawen.
Ipatungpal da iti dagos a panagresponde dagiti fire trucks kadagiti insidente ti uram iti uneg laeng ti lima a minuto kadagiti lugar a natao ken addaan ti nangato a populasion.
Segun kenni BFP Spokesperson Anthony Arroyo, ti apoy ket dumobdoble iti kadakkelna tunggal 30 a segundo.
Ti maysa nga uram a nangrugi iti maysa a kuarto ket mabalin nga agkayamkam ken naan-anay nga uramen iti intero a balay ti lima agingga 10 a minuto.
Daytoy a panggep nga agkasapulan ti dakkel a panagregget ken dedikasion manipud iti sibubukel nga organisasion.
Innayon pay ni Arroyo, maysa kadagiti kangrunaan a prayoridad ti ahensia ket iti napartak a panagrespondo kagiti uram a mapaspasamak kadagiti natao a lugar.###
