Dumanon iti pakabuklan a 1,113 iti bilang dagiti karaman ti road crash iti napalabs nga holiday season kalpasan a manayunan daytoy ti 68 a kaso, segun ti Department of Health (DOH).
Maibasar iti datos manipud kadagiti 10 a sentinel hospitals manipud Disyembre 21, 2025 aginggana Enero 2, 2026, 135 kadagitoy ket nakainom ti arak, 965 dagiti nairaman iti aksidente a saan a nagusar ti safety accessories kas iti helmet ken seatbelt, bayat a 787 met dagiti nairaman ti motorcycle road crash.
Pimmusay met dagiti lima manipud kadagiti pito a sakay ti motorsiklo bayat a dua iti natay a pedestrian.
Iti pakabuklan a bilang ti road crash accidents ket ngimmato ti 82% no maiyarig iti kapada a panawen idi 2024.
Nagpalagip ti ahensia iti publiko nga ugalien iti agsuot ti helment no agmotmotorsiklo ken seatbelt para kadagiti agmanmaneho ken pasehero ti kotse, liklikan iti agmaneho a nabannog wenno nabartek, suruten iti naituding nga speed limit ken road signs, siguraduen nga addaan ti umdas a turog sakbay nga agbiahe, ken liklikan iti agusar ti cellphone.
Nabalakadan met dagiti motorista a maka-engkwentro ti aksidente iti kalsada a dagos a tumuwag iti 911 emergency hotline wenno ti1555 DOH emergency hotline.###
