Nagballigi ni Filipina tennis star Alex Eala kontra kenni Paris Olympics silver medalist Donna Vekic iti agtultuloy a Kooyong Classic idiay Melbourne, Australia.
Immunan nga inabak ni Eala ni Vekic iti kalkalpas nga ASB Classic idiay Auckland iti iskor a 4-6, 6-4, 6-4 ken ti kauddian a laban ket saanen a dimmanon iti deciding set kalpasan iti napintas a performance ni Eala a 6-3, 6-4.
Naaramid ni Eala a mangabak ita a tawen ti uppat a daras manipud kadagiti lima a single match sakbay iti mapaspasungadan a pannakisalip na iti Australian Open.
Kabayatanna, agpada a nakatuding a makipaset da Eala ken Vekic iti WTA125 Philippine Women’s Open ita a bulan. Saan pay a sigurado no agsango manen dagiti dua iti nasao a torneo.###
