Nangipila ti kaso a cyberlibel iti casino tycoon a ni Enrique Razon Junior kontra kenni Cavite Representative Francisco “Kiko” Barzaga.
Kasaruno daytoy iti panangakusar ti kongresista a karaman iti panagpasuksok iti Kongreso iti nasao nga negosyante.
Indatag ni Razon idiay Makati City Prosecutors’ Office iti two counts ti cyber libel kontra kenni Barzaga ken nagkiddaw ti civil damages a ₱100 million para iti moral damages ken ₱10 million iti exemplary damages gapu iti panangdadael ti reputasion a nangigubuay ti emotional distress.
Nagtaud iti kaso iti social media post ni Barzaga a maipagarup a ni Razon iti utek ti korapsion iti Kongreso ken binayadan na dagiti miembro ti National Unity Party (NUP) iti maysa a panagtitipon tapno masigurado iti suporta kenni sigud nga Speaker Martin Romualdez.
