Nangiwaras ti Bacnotan Municipal Agriculture Office (MAO) dagiti ti inorganic fertilizers para ti Wet Season 2025 Hybrid Palay Seeds Program (National Intervention) ti Department of Agriculture – Regional Field Office I (DA-RFO I).
Naisayangkat iti aktibidad babaen ti panangidaulo ni Hon. Da Mayor Divina C. Fontanilla ken Vice Mayor Francisco Angelito Fontanilla, ken iti pannakitinnulong ti Municipal Agriculture Office nga idauluan ni Dr. Divina Gracia Apigo
Pakabuklan nga 1,196 a sako ti inorganic fertilizers iti naibunong kadagiti 1,451 registered hybrid palay seed farmers, a buklen ti: 598 a sako ti Complete Fertilizer (14-14-14) ken 598 a sako ti Ammonium Sulfate (21-0-0).
Panggep ti programa a maipaay iti pagkasapulan dagiti mannalon kangrunaan dagiti napapateg nga inputs iti talon, ken tapno mapasayaat iti sustansia ti daga, mapasayaat iti panagdakkel ti apit, ken maipangato iti produksion ti pagay ita a panawen ti panagtutudo.
Manamnama nga iti umno a panawen a pannakaiwaras dagiti abono iti mangiturong ti ad-adda ken umno a pannakataripato dagiti mula, nangatngato nga apit, ken dakdakkel a birok dagiti mannalon.
Agtultuloy iti panangitandudo ti seguridad ti taraon ken sustainable agricultural production babaen iti koordinasion ti DA-RFO I ken LGU Bacnotan, maysa a pammaneknek ti pakaseknan ken suporta ti gobierno iti sektor ti agrikultura.###
