Posible nga agbayag ken mapaatiddog iti agdama a suspension a sangsanguen ni Cavite 4th District Representative Kiko Barzaga no mangipila ti House of Representatibes ti kabaruan nga ethics complaint kontra iti kongresista, segun kenni Tingog Party-list Representative Jude Acidre.
Segun kenni Acidre, ikonkonsiderar ti Kamara iti panangidatag ti kabaruan nga ethics complaint kontra kenni Barzaga gapu iti nagbalin a tignayna kalpasan a naipatungpal iti pannakasuspendena idi Disiembre, napalabas a tawen.
Malagip a naipila iti umuna a reklamo kontra kenni Barzaga idi napalabas a tawen gapu iti maipagarup a ‘disorderly behavior’ gapu kadagiti social media posts-na.
Kabayatanna, bayat nga awan pay ti pinal a desision iti Kamara para iti kabaruan a complaint ket naikeddeng nga agpatingga iti suspesion ti Kongresista inton Enero 30.###
