Impeksa ni Presidente Ferdinand Marcor Jr. iti panaglidayna iti pannakairaman ni sigud a Senador Bong Revilla Jr. iti isyu ti maanomalya a flood control projects.
Segun kenni Palace Press Officer Undersecretary Claire Castro, kenuna ni Presidente a nupay gayyem ken sigud a kaalyadona ni Revilla, saan a kaipapanan daytoy a rumbeng a tagiawanen iti proseso ti linteg.
Agtalinaed nga agpannuray iti due process ken kasapulan iti panagdalan iti umno nga imbestigasion tapno rumuar iti agpayso
Awan ti sinoman iti rumbeng a mailibre iti pagsungbatan no mapaneknekan nga adda ti panagkurang, aniaman iti personal a koneksion iti Presidente.
Paset ni Revilla ti ticket ti partido nga Alyansa para sa Bagong Pilipinas nga sinoportaran ti administrasion, ngem saan daytoy nga agbalin a lapped tapno itandudo iti maiyannatup a proseso ken pagsungbatan.
Impaganetget ti Malacañang nga agtultuloy a raemen ti Presidente dagiti institusion nga addaan ti mandato nga agsukimat iti isyu ken panangpatalinaed iti prinsipyo ti patas ken nakailintegan a panangimaton.###
